Beşiktaş İstanbul derbisində Fənərbağçanı məğlub edib
Kadıköydə baş tutan İstanbul derbisində Beşiktaş rəqibini 2:1 hesabı ilə məğlub edərək 3 xal qazanıb.
Mehmet Hüseyin Zorkun1 dəq oxunuş
Yenilənib: Sentyabr 6, 2026 3:26 axşam
F4Media.az-ın Türkiyədəki xüsusi müxbiri Hüseyn Zorkunun verdiyi xəbərə görə, Türkiyə Super Liqasının 4-cü turunda keçirilən İstanbul derbisində “Beşiktaş” səfərdə “Fənərbağça”nı 2:1 hesabı ilə məğlub edib.
Kadıköydə keçirilən qarşılaşmaya meydan sahibləri daha fəal başlayıb. “Fənərbağça” 26-cı dəqiqədə Milan Škriniarın qolu ilə hesabı açıb.
Lakin “Beşiktaş” bundan sonra oyunda təşəbbüsü ələ alaraq hesabı bərabərləşdirib. Rıdvan Yılmaz 38-ci dəqiqədə fərqlənərək ilk hissənin 1:1 hesabı ilə başa çatmasını təmin edib.
İkinci hissədə hər iki komandanın qələbə uğrunda mübarizəsi davam edib. Qarşılaşmanın 73-cü dəqiqəsində Dušan Vlahović “Beşiktaş”ın ikinci qolunu vuraraq komandasını hesabda önə keçirib.
Qalan dəqiqələrdə “Fənərbağça” hesabı dəyişmək üçün cəhd etsə də, “Beşiktaş” üstünlüyünü qoruyaraq qarşılaşmadan 2:1 hesablı qələbə ilə ayrılıb.
Beləliklə, “Beşiktaş” əzəli rəqibinin meydanından 3 xalla dönərək Super Liqanın 4-cü turunda mühüm qələbəyə imza atıb.
