Çin incəsənəti ABŞ muzeylərindən vətənə qayıdır
Çikaqo İncəsənət İnstitutunun 100-dən çox lotu Nyu-Yorkdakı Christie's-in Çin sessiyasına çıxarılıb. Qızıl əsr dövründə toplanmış əsərlərin qayıtması «uzun vətən yürüşü» adlandırılır.
Yulduz Səlimov1 dəq oxunuş
Nyu-Yorkda keçirilən “Christie’s” hərracında Yünçjen dövrünə aid nadir Çin vazası 2,05 milyon dollara satılıb.
Oktyabrın 3-də keçirilən Çin incəsənəti sessiyasında satılan əsər hərrac evinin farfor üzrə ən yüksək nəticəsi olub. Satışı hərracçı Rupert Banner Rokfeller Mərkəzində idarə edib. Təkliflər zalda, eləcə də Çin, London və Texasla telefon əlaqəsi vasitəsilə qəbul olunub.
Vaza Çikaqo İncəsənət İnstitutunun hərraca çıxardığı 100-dən çox əşyadan biri olub.
Nadir əşyalar Çinə qayıdır
Hərracda satılan əşyaların bir hissəsinin XIX əsrdə ABŞ-ın varlı maqnatları tərəfindən toplanmış kolleksiyalardan olduğu bildirilir.
Bu satışlar Çin incəsənət nümunələrinin uzun illər Qərb muzeyləri və şəxsi kolleksiyalarında qaldıqdan sonra yeni nəsil çinli kolleksiyaçıların əlinə keçməsi prosesini də nümayiş etdirir.
Növbəti lot isə vaxtilə maliyyə maqnatı Çarlz Şvaba məxsus olmuş, arxaik formada hazırlanmış tsun vazası olub. Əsəri çinli alıcı 40 960 dollara alıb.
Bu cür satışlar onilliklər ərzində Qərb kolleksiyalarında saxlanılan Çin sənət əsərlərinin ölkəyə qayıdışını sürətləndirir və beynəlxalq incəsənət bazarında kolleksiyaçıların coğrafiyasının dəyişdiyini göstərir.
Mənbə: scmp.com
