Azərbaycanın qadınlardan ibarət voleybol millisi ardıcıl üçüncü qələbəsini qazanıb
Azərbaycanın qadınlardan ibarət voleybol millisi Avropa çempionatında Rumıniya komandasını 3:2 hesabı ilə məğlub edərək ardıcıl üçüncü qələbəsini qazanıb.

Azərbaycanın qadınlardan ibarət voleybol millisi Avropa çempionatında uğurlu çıxışını davam etdirərək ardıcıl üçüncü qələbəsini qazanıb. C qrupunun üçüncü turunun oyununda baş məşqçi Faiq Qarayevin yetirmələri Rumıniya komandası ilə qarşılaşıblar.
Gərgin keçən görüş Bakıdakı Milli Gimnastika Arenasında baş tutub və meydan sahiblərinin 3:2 (25:21, 25:23, 15:25, 22:25, 15:8) hesablı qələbəsi ilə başa çatıb. Bu uğur sayəsində komanda cari yarış çərçivəsində qələbə seriyasını qoruyub saxlayır.
Xatırladaq ki, turnirin startında Azərbaycan millisi eyni hesabla Portuqaliya və İspaniya yığmalarına qalib gəlmişdi. Hazırda komandanın aktivində 8 xal var və C qrupunun turnir cədvəlinə təkbaşına başçılıq edir. Bu dördlüyün oyunları Bakıda avqustun 28-dək davam edəcək.
Mənbə: news.milli.az





