Azərbaycan və İran enerji əməkdaşlığının perspektivlərini müzakirə edib

Azərbaycan və İran cari vəziyyəti və enerji əməkdaşlığının inkişaf perspektivlərini müzakirə ediblər. APA və Trend agentliklərinin məlumatına görə, görüş Moskva şəhərində baş tutub.

Bu barədə Azərbaycanın energetika naziri Pərviz Şahbazov “X” sosial şəbəkəsindəki hesabında məlumat paylaşıb. Onun sözlərinə görə, tədbir çərçivəsində İslam Respublikasının neft naziri vəzifəsini icra edən Həmid Bavardla görüş keçirilib.

Tərəflər ikitərəfli enerji əməkdaşlığı məsələləri və qarşılıqlı maraq doğuran digər mövzular ətrafında geniş fikir mübadiləsi aparıblar.

Mənbə: apa.az

Materialı hazırladı:Qurban Qurbanzadə