Bosfor boyunca gəmilərin hərəkəti müvəqqəti dayandırılıb
İstanbulda Bosfor boyunca gəmilərin hərəkəti müvəqqəti dayandırılıb. Türk KİV-lərinin məlumatına görə, bu, Palau bayrağı altında üzən Aroyat quru yük gəmisinin keçidi ilə bağlıdır.

İstanbulda Bosfor boğazı vasitəsilə gəmilərin hərəkəti müvəqqəti olaraq hər iki istiqamətdə dayandırılıb.
Türk KİV-lərinin (CNN TÜRK və Habertürk) yaydığı məlumata görə, buna səbəb Palau bayrağı altında üzən “Aroyat” quru yük gəmisinin boğazdan keçidi olub.
Qeyd olunur ki, sözügedən gəmi bu yaxınlarda Rusiya sahillərində dron hücumuna məruz qalıb. Hazırda təhlükəsizlik tədbirləri çərçivəsində onun Bosfor boyunca keçidi həyata keçirilir və bu səbəbdən boğazdakı naviqasiya müvəqqəti olaraq dayandırılıb.
Mənbə: cnnturk.com




