İran ABŞ-ın uçuş məhdudiyyətlərinə görə ICAO-ya etiraz göndərib

İran ABŞ tərəfindən İran aviaşirkətlərinin uçuşlarına tətbiq edilən məhdudiyyətlərlə bağlı Beynəlxalq Mülki Aviasiya Təşkilatına (ICAO) etiraz göndərib. Bu barədə İran Mülki Aviasiya Təşkilatının rəhbəri Abuzar Şirudi bildirib.

Onun sözlərinə görə, etiraz İranın qanuni hüquqlarını qorumaq və ABŞ tərəfindən tətbiq edilən məhdudiyyətlərə qarşı çıxmaq məqsədilə hazırlanaraq ICAO-ya göndərilib.

“Qanuni hüquqları qorumaq və ABŞ tərəfindən tətbiq edilmiş qanunsuz məhdudiyyətlərə qarşı çıxmaq məqsədilə İranın etirazı hazırlanaraq ICAO-ya göndərilib”, — Şirudi IRNA agentliyinə bildirib.

Bundan əvvəl ABŞ maliyyə naziri Skott Bessent xəbərdarlıq etmişdi ki, 23 sentyabrdan etibarən İran aviaşirkətləri daha uçuşlar həyata keçirə bilməyəcək, həmçinin sanksiyalar səbəbindən onlara yerüstü xidmətlər göstərilməyəcək.

Mənbə: news.am

Materialı hazırladı:Yulduz Səlimov