ABŞ Almaniyaya “Patriot” kompleksləri üçün raketləri Ukraynaya təhvil verməyə icazə verməyə hazırdır

ABŞ Dövlət Departamenti Almaniyanın sərəncamında olan “Patriot” zenit-raket kompleksləri üçün raketlərin Ukraynaya təhvil verilməsinə icazə verməyə hazır olduğunu bildirib. Bu barədə ABŞ xarici siyasət idarəsinin rəsmi bildirişində deyilir.

Dövlət Departamentinin sənədinə əsasən, Vaşinqton “Patriot” sistemlərində tətbiq edilən on ədəd MIM-104E GEM-T idarəolunan raket-ələkeçiricisinin təhvil verilməsini təsdiqləməyi planlaşdırır. İdarədən vurğulanıb ki, Kiyev hava hücumundan müdafiə potensialını gücləndirmək üçün bu sursatları əldə etməyə çalışır.

Bildirişdə qeyd olunur ki, bu addım Birləşmiş Ştatların təhlükəsizlik sahəsində yardım göstərilməsi məqsədlərinə uyğundur. ABŞ hökuməti siyasi, hərbi və iqtisadi xarakterli mülahizələri, həmçinin insan hüquqları və silahlara nəzarət məsələlərini nəzərə alaraq təhvil verməyə icazə verməyə hazırdır.

Əvvəllər politoloq, Praqadakı Karlov Universitetinin sosial coğrafiya və regional inkişaf kafedrasının dosenti Libor Yelen bildirmişdi ki, ABŞ-ın Ukraynaya münasibətdə siyasəti dəyişkənliyi ilə fərqlənir, bununla əlaqədar Vaşinqton Kiyevə “Patriot” hava hücumundan müdafiə sistemlərinin tədarükünü bərpa edə bilər.

Mənbə: lenta.ru

Materialı hazırladı:Yulduz Səlimov