Amur qaz-kimya kompleksindəki yanğında ölənlərin sayı 7 nəfərə çatdı
Amur qaz-kimya kompleksində baş verən yanğında ölənlərin sayı yeddi nəfərə yüksəlib. Hadisə yerində əməliyyat və axtarış-xilasetmə tədbirləri davam etdirilir.
Tünzalə Məlikova1 dəq oxunuşMətn ölçüsü
Rusiyada Amur qaz-kimya kompleksinin (AQKK) tikinti meydançasında baş verən yanğın nəticəsində həlak olanların sayı yeddi nəfərə çatdı. Bu barədə hadisə yerində davam edən əməliyyat tədbirləri gedişində məlum olub.
Müəssisənin mətbuat xidmətinin rəsmi məlumatına görə, insidentdən sonra ümumilikdə 152 nəfər tibbi yardıma müraciət edib. Onlardan xəsarət alan 36 nəfər tibb müəssisələrinə yerləşdirilib.
Bununla yanaşı, hazırda doqquz çinli fəhlənin taleyi naməlum olaraq qalır. Xilasetmə xidmətləri obyektin ərazisində axtarış-xilasetmə işlərini davam etdirir.
Mənbə: aa.com.tr
