Azərbaycanda xüsusi karantin rejimi 2027-ci ilin yanvarına qədər uzadıldı
Azərbaycan hökuməti ölkə ərazisində xüsusi karantin rejiminin müddətini 2027-ci il yanvarın 2-si saat 06:00-dək uzadıb.
Yulduz Səlimov1 dəq oxunuşMətn ölçüsü
Azərbaycan ərazisində xüsusi karantin rejiminin müddəti yenidən uzadılıb. Baş nazir Əli Əsədov bununla bağlı müvafiq qərar imzalayıb.
İmzalanmış sənədə əsasən, xüsusi rejim 2027-ci il yanvarın 2-si saat 06:00-dək uzadılır. Qəbul edilmiş qərarın məqsədi kimi ölkədə koronavirus infeksiyasının (COVID-19) yayılmasının qarşısının alınması və xəstəliyin törədə biləcəyi fəsadların önlənməsi göstərilib.
Yeni qərar qəbul edilənədək Azərbaycanda xüsusi karantin rejiminin müddətinin 2026-cı il oktyabrın 1-i saat 06:00-da başa çatacağı nəzərdə tutulurdu.
Mənbə: report.az
