Bakıda “European Aquatics” Konqresi çərçivəsində ilk tədbirlər keçirilib
Avropa Su İdmanı Federasiyasının yaydığı məlumata görə, əvvəlcə “European Aquatics” Bürosunun toplantısı keçirilib. Daha sonra milli federasiyaların nümayəndələrinin iştirakı ilə təcrübə və bilik mübadiləsi sessiyası təşkil olunub. Sessiya zamanı üzgüçülük və digər su idmanı növlərinin inkişafı…
Əbdulrəhman Sadıxlı1 dəq oxunuş
Avropa Su İdmanı Federasiyasının yaydığı məlumata görə, əvvəlcə “European Aquatics” Bürosunun toplantısı keçirilib. Daha sonra milli federasiyaların nümayəndələrinin iştirakı ilə təcrübə və bilik mübadiləsi sessiyası təşkil olunub. Sessiya zamanı üzgüçülük və digər su idmanı növlərinin inkişafı, federasiyaların fəaliyyəti, müxtəlif layihələrin həyata keçirilməsi, innovasiyalar və gələcək əməkdaşlıq imkanları ətrafında fikir mübadiləsi aparılıb.
Açıqlamada qeyd olunub ki, iştirakçılar yeni ideyalar bölüşməklə yanaşı, müxtəlif ölkələrin su idmanı sahəsində tətbiq etdiyi uğurlu yanaşmalarla tanış olmaq imkanı əldə ediblər.
Qeyd edək ki, 2026-cı ilin “Dünya İdman Paytaxtı” olan Bakı bu il su idmanı sahəsində mühüm beynəlxalq tədbirlərə ev sahibliyi edir.
Üzgüçülük üzrə Dünya Kubokunun ardından “European Aquatics” Konqresinin də Bakıda keçirilməsi Azərbaycanın beynəlxalq idman müstəvisində mövqeyinin daha da möhkəmləndirilməsi baxımından əhəmiyyətli hadisədir.
