Beyləqanda iki avtomobilin toqquşması nəticəsində sürücü həlak olub
Azərbaycanın Beyləqan şəhərində VAZ-2107 və Ford Transit markalı avtomobillərin toqquşması nəticəsində hərəkət iştirakçılarından biri həyatını itirib.
Tünzalə Məlikova1 dəq oxunuşMətn ölçüsü
Sentyabrın 7-də Beyləqan şəhərində ölümlə nəticələnən yol-nəqliyyat hadisəsi qeydə alınıb. İki nəqliyyat vasitəsinin toqquşması nəticəsində bir nəfər aldığı xəsarətlərdən dünyasını dəyişib.
Məlumata görə, qəzada Seymur Kərimovun idarə etdiyi VAZ-2107 markalı avtomobil və Rəhim Süleymanovun idarə etdiyi Ford Transit markalı mikroavtobus iştirak edib.
Seymur Kərimov aldığı ağır xəsarətlər nəticəsində hadisə yerindəcə keçinib.
Faktla bağlı cinayət işi başlanılıb. Hazırda hüquq-mühafizə orqanları hadisənin bütün hallarının müəyyən edilməsi üçün istintaq tədbirləri həyata keçirir.
Mənbə: news.milli.az
