Norveç Aİ-nin mövqeyinə baxmayaraq Arktikada qazma işlərini davam etdirəcək

Norveç Avropa İttifaqının Arktikadan karbohidrogen tədarükünə moratoriymu dəstəkləməsindən asılı olmayaraq Barents dənizində neft və qaz resurslarını inkişaf etdirməyə davam etdirəcək və artıq özünü Avropanın «yaşıl batareyası» kimi görmür. Bu barədə Norveçin energetika naziri Terje Aasland bildirib.

2022-ci il hadisələrindən sonra Norveç həm Avropa İttifaqının, həm də Böyük Britaniyanın qaza olan tələbatının təxminən 30%-ni təmin edərək Avropaya ən böyük təbii qaz tədarükçüsü olub. Keçən il ölkədə qaz hasilatı rekord səviyyədə olub, neft hasilatı isə 2009-cu ildən bəri maksimuma çatıb. Lakin rəsmi proqnozlar yeni yataqlar aşkar edilib işlənilməzsə, 2030-cu ildən sonra hasilatın kəskin azalacağını göstərir.

Bugünkü geopolitik şəraitdə və resurslarla bağlı vəziyyətdə hesab edirəm ki, Barents dənizində fəaliyyətin davam etdirilməsi həm Norveçin, həm də Avropanın maraqlarına xidmət edir.

Hazırda Avropa İttifaqı ekoloji mülahizələrə görə Arktikada yeni qazma işlərinə qoyulan qadağanı dəstəkləyir, lakin energetika təhlükəsizliyi ilə bağlı problemlər səbəbindən öz siyasətinə yenidən baxılması imkanını nəzərdən keçirir. Equinor şirkətinin baş direktoru Anders Opedal qeyd edib ki, Aİ imtina edəcəyi təqdirdə Barents dənizindən neft və mayeləşdirilmiş təbii qaz dünyanın istənilən nöqtəsinə göndərilə bilər.

Bundan zərər çəkəcək yeganə şey Avropa təhlükəsizliyi olacaq. Bizim çevikliyimiz var.

Mənbə: report.az

Materialı hazırladı:Tünzalə Məlikova