Parisdə həmkarlar ittifaqlarının çağırışı ilə 28 min nəfər toplaşıb
17 noyabrda Parisdə həmkarlar ittifaqları və tələbə təşkilatlarının çağırışı ilə etiraz aksiyası keçirilib. Polisin verdiyi məlumata görə, aksiyada 28 min nəfər iştirak edib. Nümayiş ciddi insidentlərsiz başa çatıb.

Bu barədə Le Parisien nəşrinə istinadla APA.AZ xəbər verib. Nəşr öz növbəsində Paris polis prefekturasına istinad edib.
Həmin məlumata görə, nümayiş ciddi insidentlərsiz keçib. Etirazçılar Millət meydanından İtaliya meydanına doğru hərəkət ediblər.
Aksiyanın sona çatmasından sonra iştirakçıların bir hissəsi meydanı tərk edib, lakin digərləri şüarlar səsləndirməyə və piroteknika yandırmağa davam ediblər. Polis qalan nümayişçiləri dağıtmaq üçün müdaxilə etməyib.
Fransada etirazlar
Kütləvi etirazlar sentyabrın sonundan davam edir. Əvvəlcə məktəblilər məktəblərin vəziyyətindən, dərs cədvəlinin ağırlığından və müəllim çatışmazlığından narazılıqlarını bildirərək ali təhsil müəssisələrinin girişlərini bloklamağa başlayıblar.
Oktyabrda aksiyalara həmkarlar ittifaqları da qoşulub. Onlar əmək haqqının artırılmasını və hökumətdən əlavə iqtisadi tədbirlər görülməsini tələb ediblər.
Mənbə: apa.az





