Qarabağa köçənlər üçün daimi iş yerlərinin sayı artırılacaq
"Böyük Qayıdış" Dövlət Proqramının ikinci mərhələsində özəl investisiyaların, daimi məşğulluğun və ixracyönümlü istehsalın genişləndirilməsi planlaşdırılır, deyə Azərbaycan Prezidenti İlham Əliyev bildirib.
Qurban Qurbanzadə1 dəq oxunuş
Azərbaycan Prezidenti İlham Əliyev bildirib ki, "Böyük Qayıdış" Dövlət Proqramının ikinci mərhələsində əsas məqsəd özəl investisiyaların, daimi məşğulluğun və ixracyönümlü istehsalın daha da genişləndirilməsi, həmçinin Qarabağın və Şərqi Zəngəzurun ölkə iqtisadiyyatında yeni artım mərkəzi kimi mövqelərinin gücləndirilməsi olacaq.
Bu barədə Prezidentin 6-cı Azərbaycan Beynəlxalq "Qarabağın bərpası, yenidən qurulması və inkişafı" — "Rebuild Garabagh" sərgisinin iştirakçılarına müraciətində deyilir.
"Bölgədə tətbiq edilən qabaqcıl şəhərsalma və mühəndislik həlləri Azərbaycanın digər bölgələri ilə yanaşı, beynəlxalq miqyasda da istifadə oluna biləcək təcrübə yaradır".
Dövlət başçısının sözlərinə görə, regionda tətbiq olunan qabaqcıl şəhərsalma və mühəndislik həlləri həm Azərbaycanın digər regionlarında, həm də beynəlxalq səviyyədə istifadə oluna biləcək təcrübə formalaşdırır.
Müraciətdə qeyd olunur ki, 2026-cı ildə Bakıda BMT-nin İnsan Məskənləri Proqramı tərəfindən təşkil olunan Ümumdünya Şəhərsalma Forumunun (WUF13) uğurla keçirilməsi ölkənin şəhərsalma sahəsindəki nailiyyətlərinin beynəlxalq səviyyədə təqdim olunmasına və onun qlobal dialoqda mövqelərinin gücləndirilməsinə xidmət edib.
""Kaspi Tikinti Həftəsi" çərçivəsində keçirilən "Rebuild Garabagh" və "BakuBuild" sərgiləri bu təcrübənin mübadiləsi, yeni texnologiyaların təqdimatı və işgüzar tərəfdaşlıqların qurulması üçün geniş imkanlar yaradır. Əminəm ki, bu tərəfdaşlıqlar konkret layihələrdə öz əksini tapacaq və "Böyük Qayıdış"a və regionun uzunmüddətli inkişafına mühüm töhfə verəcək", — deyə müraciətdə bildirilir.
Mənbə: musavat.com
