“Qazprom” dünyanın ən böyük qaz anbarının yenidən qurulmasını həyata keçirəcək

“Qazprom” dünyanın ən böyük qaz anbarlarından birini yenidən qurur

“Qazprom” Şimali Stavropol yeraltı qaz anbarının yenidən qurulmasına hazırlaşır. Layihə ilə bağlı məlumatlar ictimai müzakirəyə təqdim olunub.

Yenidənqurma nəticəsində qazın təmizlənməsi yaxşılaşdırılacaq, qaz anbarının iş rejiminin idarə olunması isə daha çevik olacaq.

Yenidənqurma nə verəcək?

Layihə çərçivəsində qaz anbarının qaztoplama kollektoru yenilənəcək. Bununla kollektorun maye və müxtəlif mexaniki qarışıqlardan təmizlənməsi asanlaşacaq. Həmçinin bağlayıcı qurğuların idarə edilməsi avtomatlaşdırılacaq.

Şirkətin məlumatına görə, bu dəyişikliklər qazın ötürülməsi zamanı operativliyi artıracaq və avadanlıqların istismar təhlükəsizliyini yüksəldəcək.

Yenidənqurma işlərinə başlamazdan əvvəl layihənin ətraf mühitə mümkün təsiri də qiymətləndiriləcək.

Dünyanın ən böyük yeraltı qaz anbarlarından biridir

Şimali Stavropol yeraltı qaz anbarı Stavropol diyarında tükənmiş qaz yatağının bazasında yaradılıb. Anbarın aktiv qaz həcmi 90 milyard kubmetr, gündəlik maksimum qaz götürmə gücü isə 190 milyon kubmetr təşkil edir.

“Qazprom”un məlumatına görə, şirkət 2026-cı ilin ilk yarısında 216,55 milyard kubmetr təbii və səmt qazı hasil edib. Bu, ötən ilin eyni dövrü ilə müqayisədə 3,38 faiz çoxdur.

Şirkət hasilatın artmasını soyuq hava səbəbindən Rusiyada daxili qaz istehlakının yüksəlməsi ilə əlaqələndirib. Eyni zamanda, Rusiyanın şərqində yeni qaz hasilatı güclərinin yaradılması və yeni quyuların istifadəyə verilməsi davam edir.

Mənbə: vedomosti.ru

Materialı hazırladı:Əbdulrəhman Sadıxlı