Rumıniya məhkəməsi “LUKOİL”in neft emalı zavodunun müflisləşmə prosedurunu açıb
Rumıniya məhkəməsi 85/2014 saylı qanuna əsasən “LUKOİL” şirkətinin NEZ-nin müflisləşmə prosedurunu rəsmən açıb. Müvəqqəti məhkəmə inzibatçısı təyin edilib.
Tünzalə Məlikova1 dəq oxunuş
Prahova Məhkəməsi çərşənbə günü 85/2014 saylı Qanuna uyğun olaraq “Petrotel Lukoil” şirkətinin müflisləşməsi üzrə ümumi işin açılması barədə qərar çıxarıb. “Dascăl Insolvency SPRL” şirkəti müvəqqəti məhkəmə inzibatçısı təyin edilib.
Məhkəmə şirkətə, kreditorlara və Ticarət Reyestrinə prosedurun başlaması barədə bildiriş göndərilməsini, həmçinin müvafiq məlumatın dərc edilməsini həvalə edib. Kreditorların tələblərinin qeydiyyatı üçün son müddət 9 sentyabr 2026-cı il tarixi müəyyən edilib. İnzibatçı 29 sentyabr tarixinədək tələbləri yoxlayacaq və ilkin məlumatları hazırlayacaq, bu prosesin başa çatdırılması isə 23 oktyabr 2026-cı il tarixinə planlaşdırılır. Kreditorların iclası 3 oktyabr 2026-cı il tarixində keçiriləcək. Bundan əlavə, məhkəmə şirkətdən tələblərin tutulması üzrə məhkəmə hərəkətlərini dayandırıb.
Bu, fəaliyyətin bərpası üçün zəruri tədbirdir.
Xatırladaq ki, “LUKOİL” şirkəti Rumıniyada 2,7 milyon ton gücünə, 99,5% emal dərinliyinə və 80,3% açıq rəngli neft məhsulları çıxımına malik “Petrotel” NEZ-ə sahibdir.
Mənbə: interfax.ru
