Rusiya və Ukrayna 270-270 formulu ilə əsir mübadiləsi aparıb
Rusiya və Ukrayna hərbi qulluqçuların 270 nəfərlik mübadiləsini aparıb. Əsirlikdən azad olunan hərbçilər hazırda Belarusda yerləşir.
Əbdulrəhman Sadıxlı1 dəq oxunuş
Rusiyanın müdafiə nazirliyi bildirib ki, Rusiya və Ukrayna «270 üzrə 270» formulu ilə əsirlərin mübadiləsini aparıb. Hər iki tərəf 270 nəfəri azad edib.
Rusiya Müdafiə Nazirliyinin məlumatına görə, əsirlikdən qayıdan hərbçilər hazırda Belarus ərazisindədir. Onlarla insan hüquqları üzrə səlahiyyətli nümayəndə Yana Lantratova işləyir.
Son əsir mübadiləsi avqustun 19-da olub. O zaman vətənə 103 rusiyalı hərbçi qayıdıb. Eyni sayda şəxs Ukrayna tərəfinə verilib.
Rusiya 2022-ci il fevralın 24-də Ukraynada hərbi əməliyyat başlayıb. Prezident Vladimir Putin onun məqsədini «səkkiz il ərzində Donbasda Kiyev rejimi tərəfindən soyqırıma məruz qalan insanların müdafiəsi» kimi müəyyən edib. Onun sözlərinə görə, Ukraynanın «demilitarizasiyası və denasifikasiyası» həyata keçiriləcək və «dinc sakinlərə qarşı qanlı cinayətlərdə» təqsirli olan bütün hərbi cinayətkarlar məhkəməyə veriləcək.
Buna cavab olaraq Qərb ölkələri Rusiyaya qarşı geniş miqyaslı sanksiyalar tətbiq edib.
Mənbə: am.sputniknews.ru
