Türkiyədə bir gündə iki əməliyyatla üç beyin şişi çıxarılıb
Türkiyənin Hatay vilayətində yerləşən Dörtyol Dövlət Xəstəxanasında bir gün ərzində iki xəstə üzərində həyata keçirilən əməliyyatlar zamanı üç beyin şişi uğurla çıxarılıb.
Mehmet Hüseyin Zorkun1 dəq oxunuş
Türkiyənin Hatay vilayətində yerləşən Dörtyol Dövlət Xəstəxanasında bir gün ərzində iki xəstə üzərində həyata keçirilən əməliyyatlar zamanı üç beyin şişi uğurla çıxarılıb.
F4Media.az saytının Türkiyədəki xüsusi müxbiri Hüseyn Zorkunun verdiyi xəbərə görə, əməliyyatları Neyrocərrahiyyə üzrə mütəxəssis, Op. Dr. Mazlum Işık və əməliyyatxana komandası həyata keçirib.
Məlumata görə, ilk xəstədə ağciyər xərçənginin beyinə metastazı nəticəsində yaranmış iki şiş aşkarlanıb. Əməliyyat zamanı hər iki şiş uğurla çıxarılıb.
İkinci əməliyyat zamanı isə beyin kötüyünə təzyiq göstərən, təxminən 6 santimetr ölçüsündə iri meningioma şişi müasir tibbi avadanlıqların köməyi ilə götürülüb.
Uğurla başa çatan əməliyyatlardan sonra hər iki xəstənin vəziyyətinin yaxşılaşdığı və onların sağalaraq xəstəxanadan evə buraxıldığı bildirilib.
Mürəkkəb neyrocərrahi müdaxilələrin uğurla həyata keçirilməsi müasir tibbi texnologiyaların və ixtisaslı tibbi heyətin əhəmiyyətini bir daha göstərir.
