Şirvanda gənclərə məlumat bolluğunda düzgün seçim etməyin yolları öyrədildi

Gənclərin Sosial İnkişafına Dəstək İctimai Birliyinin təşkilatçılığı ilə Azərbaycan Respublikası Gənclər Təşkilatları Milli Şurasının “Şəbəkə: Gənclər təşkilatlarının fəaliyyətlərinə dəstək” proqramı çərçivəsində həyata keçirilən “Region gənclərinin data əsaslı qərarvermə bacarıqlarının inkişafı” layihəsi çərçivəsində Şirvan şəhərində gənclər üçün təlim keçirilib.

Təlimin əsas istiqaməti məlumatların toplanması və düzgün strukturlaşdırılması olub. İştirakçılara müxtəlif mənbələrdən əldə edilən məlumatların sistemləşdirilməsi, məlumatların qruplaşdırılması və analiz üçün hazırlanması ilə bağlı praktiki biliklər təqdim edilib.

Gənclər təlim zamanı müxtəlif məlumat nümunələri üzərində çalışaraq informasiyanın daha sistemli formada təqdim edilməsi üsullarını öyrəniblər. Eyni zamanda, düzgün strukturlaşdırılmış məlumatların sonrakı analiz və qərarvermə prosesində yaratdığı imkanlar müzakirə olunub.

Təlim nəticəsində iştirakçıların məlumatlarla daha sistemli işləmək, informasiyanı qruplaşdırmaq və ilkin nəticələr əldə etmək bacarıqlarının inkişaf etdirilməsinə töhfə verilib.

Materialı hazırladı:Yulduz Səlimov