“Fluentopia” layihəsində Alman dili proqramı uğurla yekunlaşıb
“Yeni Yol” Gənclərin Maarifləndirilməsi İctimai Birliyinin təşkilatçılığı ilə həyata keçirilən “Fluentopia” layihəsinin Alman dili proqramı uğurla başa çatıb.
Qurban Qurbanzadə1 dəq oxunuş
Yenilənib: Sentyabr 29, 2026 11:16 səhər
“Yeni Yol” Gənclərin Maarifləndirilməsi İctimai Birliyinin təşkilatçılığı ilə həyata keçirilən “Fluentopia” layihəsinin Alman dili proqramı uğurla başa çatıb.
Proqram çərçivəsində gənclər Alman dilini sıfırdan öyrənərək yeni bilik və bacarıqlar qazanıb, praktiki dərslər və interaktiv fəaliyyətlər vasitəsilə dil biliklərini inkişaf etdiriblər.
Təlim prosesi iştirakçılar üçün yalnız yeni dil öyrənmək imkanı ilə məhdudlaşmayıb. Gənclər eyni zamanda yeni dostluqlar qurub, ünsiyyət bacarıqlarını inkişaf etdirib və fərqli təcrübələr əldə ediblər.
Proqramın yekununda fəal iştirakçıların sertifikatlarla təltif olunması nəzərdə tutulur.
“Fluentopia” layihəsi gənclərin şəxsi inkişafına, xarici dil biliklərinin artırılmasına və beynəlxalq ünsiyyət imkanlarının genişləndirilməsinə töhfə verən təşəbbüs kimi yekunlaşıb.
