Flydubai pilotlar arasındakı insidentdən sonra İsrailə uçuşları dayandırıb

Flydubai aviaşirkəti İsrailə uçuşları və bu ölkədən reysləri dayandırıb. Bununla bağlı tələbi İsrailin nəqliyyat naziri Miri Regev irəli sürüb. Buna Dubaydan Təl-Əvivə uçan təyyarənin göyərtəsində pilotlar arasında baş verən dava səbəb olub. Aviaşirkət insident araşdırılan müddətdə bu istiqamətə xidmət göstərməyəcək.

Regev vətəndaşlığı Oman olan pilotun Təl-Əvivlə diplomatik münasibətləri olmayan ölkənin vətəndaşının reysə necə buraxıldığının araşdırılmasını tapşırıb. Belə əməkdaşların reyslərə buraxılmasına qadağa nazirliyin Flydubai ilə razılaşmasında əksini tapıb.

İnsidentin təfərrüatları

Dava zamanı hava gəmisinin komandiri pilotlar kabinəsinin qapısını aça bilib və davanı sərnişinlər görüblər.

İsrailin Baş naziri Binyamin Netanyahu Trampın təyyarənin kabinəsinə ilk olaraq israilli santexnik Yaniv Hayonun girdiyi barədə sözlərini təsdiqləyib. Kişi ailəsini müdafiə edib. O, hücum edən şəxsi zərərsizləşdirib və təyyarənin burnunu yuxarı qaldırıb.

Bundan sonra təyyarədə ezamiyyətə gedən pilotlar kabinəyə daxil olaraq təyyarəni düzləndirib və onu endirə biliblər.

Netanyahu pilotların milliyyəti ilə bağlı şayiələrə də son qoyub: gəminin komandiri hindlidir və hazırda xəstəxanada ağır vəziyyətdədir. Hücum edən şəxs isə Oman vətəndaşıdır.

İnsidentin araşdırılması Flydubai reysinin göyərtəsində terror aktı versiyasına yönəlir.

Mənbə: kz.kursiv.media

Materialı hazırladı:Əbdulrəhman Sadıxlı