Rusiya XİN-də Macarıstanın müvəqqəti işlər vəkili çağırılıb
Rusiya XİN-də Macarıstanın müvəqqəti işlər vəkili Qabor Gergiç çağırılıb. Moskva etirazını bildirib və macar diplomatlarına qarşı cavab tədbirləri elan edib.
Tünzalə Məlikova1 dəq oxunuş
Macarıstanın Rusiyadakı müvəqqəti işlər vəkili Qabor Gergiç 1 oktyabr 2026-cı ildə Rusiya XİN-ə çağırılıb. Bu barədə Rusiya diplomatik qurumu məlumat verib.
“Diplomatik nümayəndəliyin rəhbərinə Macarıstan hakimiyyətinin 8 sentyabr 2026-cı il tarixində bir sıra rusiyalı diplomatik əməkdaşların ölkə ərazisini tərk etməsi ilə bağlı əsassız və açıq şəkildə qeyri-dost tələbinə görə qəti etiraz bildirilib”, — məlumatda deyilir.
Macarıstan diplomatına bildirilib ki, cavab tədbiri olaraq Macarıstanın Moskvadakı səfirliyinin, Sankt-Peterburq və Kazandakı Macarıstan baş konsulluqlarının əməkdaşlarından ibarət qrup iki həftə ərzində Rusiya ərazisini tərk etməlidir.
Bundan əvvəl Macarıstan XİN rəhbəri Anita Orban bildirib ki, Budapeşt 10 rusiyalı diplomatın ölkədən çıxarılması barədə qərar qəbul edib. Onun sözlərinə görə, Rusiyanın səfirliyindən çıxarılan əməkdaşlar Macarıstanda “Vyana Konvensiyasına uyğun olaraq diplomatlar üçün yolverilməz olan” fəaliyyətlə məşğul olublar.
Mənbə: lenta.ru
