İran Neft Nazirliyi hasilatın tam gücü ilə davam etdiyini açıqlayıb — Bovərd

İranda neft-qaz hasilatı, həmçinin reallaşdırma və inkişaf layihələri tam gücü ilə davam edir. Bunu 2026-cı il oktyabrın 5-də Tehranda neft nazirlərinin müavinləri şurasının iclasında İran Neft Nazirliyinin rəhbəri Həmid Bovərd bildirib.

Bovərdin sözlərinə görə, İran Neft Nazirliyinin prioritetləri İrana qarşı müharibə zamanı zədələnmiş obyektlərin bərpası və ölkənin qarşıdan gələn çətin dövrü uğurla keçməsi üçün xam neft satışlarının davam etdirilməsidir.

İran Neft Nazirliyinin prioritetləri İrana qarşı müharibə zamanı zədələnmiş obyektlərin bərpası və ölkənin qarşıdan gələn çətin dövrü uğurla keçməsi üçün xam neft satışlarının davam etdirilməsidir.

İranın neft-qaz sektorunda cari prioritet kimi Bovərd qarşıdan gələn soyuq aylarda yanacağın sabit təchizatının təmin edilməsini adlandırıb. İran Milli Neft Məhsulları Paylama Şirkətinin məlumatlarına görə, yanacaq ehtiyatları münasib səviyyədədir və yanacaq təchizatının lazımi qaydada davam etməsi üçün səyləri artırmaq lazımdır.

İranın Milli Qaz Şirkəti, onun sözlərinə görə, həddindən artıq istehlakın qarşısını almaq və qazın lazımi istehlakını təmin etmək üçün tədbirlər görməlidir. O, qaz istehlakının 10% azaldılmasına nail olmağı çox mühüm addım adlandırıb.

Bovərd həmçinin bildirib ki, neft-kimya məhsullarının istehsalı və ixracının davam etdirilməsi valyuta gəlirlərinin artırılmasında və ölkə iqtisadiyyatının dəstəklənməsində səmərəli rol oynayır. Ona görə də, onun sözlərinə görə, ixrac üçün maneələri aradan qaldırmaq və sektorun imkanlarından maksimum dərəcədə istifadə etmək lazımdır.

Qey edək ki, İranın neft naziri Möhsün Paknejad oktyabrın 4-də istefa verib. İran Prezidenti Həmid Bovərdi — neft nazirinin müavini və İran Milli Neft Şirkətinin baş direktorunu Neft Nazirliyinin rəhbəri təyin edib.

Mənbə: trend.az

Materialı hazırladı:Əbdulrəhman Sadıxlı