Pentaqon Yaxın Şərqə təxminən 10 min hərbçi göndərir
ABŞ İranla müharibənin başa çatdırılması ilə bağlı danışıqlar dalana dirəndikdən sonra Yaxın Şərqə təxminən 10 min əlavə hərbçi göndərir.
Əbdulrəhman Sadıxlı1 dəq oxunuş
ABŞ Yaxın Şərqdə hərbi-dəniz qüvvələrinin sayını artırır. Bu addım İranla müharibənin səkkizinci ayına daxil olduğu və müharibənin başa çatdırılması ilə bağlı danışıqların nəticəsiz qaldığı bir vaxtda atılıb.
“The Wall Street Journal”ın məlumatına görə, “Teodor Ruzvelt” aviadaşıyıcısı bazar günü San-Diyeqo limanından yola düşüb. Tərkibində 13-cü ekspedisiya dəniz piyadaları bölməsinin hərbçilərinin olduğu “Makin-Aylend” amfibi qrupu isə bazar ertəsi dənizə çıxıb.
ABŞ rəsmisinin sözlərinə görə, bu hərəkət regionda oktyabrın sonuna qədər üç aviadaşıyıcının yerləşməsi ilə nəticələnə bilər.
Hazırda bölgədə “Corc Buş” və “Corc Vaşinqton” aviadaşıyıcıları, həmçinin “USS Boksyor” amfibi qrupu yerləşir.
Yeni qüvvələrin göndərilməsi ABŞ-ın regiondakı hərbi-dəniz mövcudluğunu əhəmiyyətli dərəcədə artıracaq. Ümumilikdə bölgədə 20 mindən çox dənizçi və dəniz piyadası, eləcə də yüzlərlə hərbi təyyarənin olması gözlənilir.
Mənbə: rtarabic.com
