Rusiya İstintaq Komitəsi Ukraynanın keçmiş müdafiə nazirlərini beynəlxalq axtarışa verib

Rusiya İstintaq Komitəsi Ukraynanın iki keçmiş müdafiə nazirini Oleksiy Reznikov və Mixail Fedorovu, həmçinin Ukrayna Müdafiə Nazirliyinin Baş Kəşfiyyat İdarəsinin rəisi Oleh İvaşşenkonu və Silahlı Qüvvələrin pilotsuz sistem qüvvələrinin komandanı Robert Brodini beynəlxalq axtarışa verib. Bu barədə oktyabrın 2-də Moskvada məlumat verilib.

RİK-in məlumatına görə, Reznikov və Fedorova Rusiya və Donbasın dinc əhalisinə qarşı cinayətlərlə bağlı qiyabi ittihamlar irəli sürülüb. İdarə iddia edir ki, 2021–2023 və 2026-cı illərdə onlar tabeliyində olanlara Donbas ərazisində “cəza xarakterli hərbi əməliyyatlar”ın keçirilməsini təmin edən əmr və göstərişlər veriblər.

Bu cinayət əməlləri dinc sakinlərin kütləvi şəkildə həlak olmasına və yaralanmasına, mülki infrastruktur obyektlərinin dağıdılmasına səbəb olub.

RİK-in açıqlamasına görə, Reznikov və Fedorov barəsində təqsirləndirilən şəxs qismində cəlb edilmə haqqında qərarlar çıxarılıb və onlar beynəlxalq axtarışa veriliblər.

İvaşşenko və Brodi barədə ittihamlar

İstintaq orqanları bildirib ki, Rusiya ərazisində törədilmiş terror aktları ilə bağlı araşdırma zamanı Oleh İvaşşenko və Robert Brodinin bir sıra belə cinayətlərə qarışması müəyyən edilib. Onlara qiyabi ittiham irəli sürülüb və onlar da beynəlxalq axtarışa veriliblər.

• Arxipo-Osipovka kəndindəki çimərliyə BPLA ilə hücum. Nijnekamskа kütləvi hücum. Volqa-Xəzər dəniz gəmiçilik kanalı akvatoriyasında İranın “Ana” və Rusiyanın “Navis-1” gəmilərinə hücum.

RİK-in məlumatına görə, bu terror aktları nəticəsində 21 nəfər, o cümlədən uşaqlar həlak olub.

Bu məlumatlar RİK sədri Aleksandr Bastrıkinə Luqanskda keçirdiyi müşavirədə təqdim edilib.

Mənbə: interfax.ru

Materialı hazırladı:Yulduz Səlimov