Putin Şoxinı biznes hüquqları üzrə müvəkkil təyin edib

Prezident Vladimir Putin Rusiya Sənayeçilər və Sahibkarlar İttifaqının (RSPP) rəhbəri Aleksandr Şoxinı biznes hüquqları üzrə müvəkkil təyin edib. Bu barədə fərman hüquqi aktların dərc olunduğu saytda yerləşdirilib. Digər fərmanı ilə prezident biznes-ombudsmana işində kömək edəcək muxtar qeyri-kommersiya təşkilatı yaradıb.

Şoxinin biznesmenlərin hüquqları üzrə müvəkkil olacağı barədə mətbuat katibi Dmitri Peskov mayın 26-da məlumat verib.

«Aleksandr Şoxin məhz biznes hüquqları üzrə yeni müvəkkil olacaq və öz funksiyalarını və RSPP prezidenti vəzifəsini saxlayacaq», — deyə Peskov o zaman bildirib.

Şoxin haqqında nə məlumdur

Şoxinin 74 yaşı var. O, MDU-nu bitirib, iqtisad elmləri doktorudur. 1990-cı illərdə əmək naziri, baş nazirin müavini və iqtisadiyyat naziri vəzifələrində çalışıb. RSPP-yə 2005-ci ildən rəhbərlik edir.

İnstitut islahatı

İnstitut islahatı müvəkkilin aparatı yerinə muxtar qeyri-kommersiya təşkilatının yaradılmasını nəzərdə tutur. Təsisçilər dövlət, RSPP, Ticarət-Sənaye Palatası, «Delovaya Rossiya» və «Opora Rossii» olacaq.

Biznes-ombudsman vəzifəsi 2022-ci il iyunun 22-dən vakant olub. Bundan əvvəl bu vəzifəni ardıcıl iki müddət Boris Titov tutub. 2026-cı il iyunun 10-da Dövlət Duması biznes-ombudsman haqqında qanuna düzəlişləri qəbul edib. İyun ayında Putin institut islahatı haqqında qanunu imzalayıb.

Mənbə: vedomosti.ru

Materialı hazırladı:Əbdulrəhman Sadıxlı