Braziliya ilə Çin arasında ticarət dövriyyəsi rekord həddə çatıb
Braziliya və Çin arasında 2026-cı ilin doqquz ayı ərzində ticarət dövriyyəsi rekord 143 milyard dollara çatıb. Braziliya neftinin Çinə satışı Hörmüz boğazının bağlanması fonunda 49% artıb.
Qurban Qurbanzadə1 dəq oxunuş
Braziliya ilə Çin arasında 2026-cı ilin ilk doqquz ayında ticarət dövriyyəsi rekord həddə — 143 milyard ABŞ dollarına çatıb. Bu barədə Braziliya-Çin İşgüzar Şurasının hesabatında bildirilib.
Artım əsasən Braziliyanın Çinə neft ixracının yüksəlməsi ilə əlaqələndirilir. İranla müharibə və Hörmüz boğazının bağlanması nəticəsində Körfəzdən enerji təchizatında yaranan problemlər Braziliya neftinə tələbatı artırıb.
Yanvar-sentyabr aylarında Braziliyanın Çinə ixracı ötən ilin eyni dövrü ilə müqayisədə 12 faiz artaraq 84,7 milyard dollar, Çindən idxalı isə 9,9 faiz yüksələrək 58,6 milyard dollar təşkil edib. Braziliyanın ticarət profisiti 26,1 milyard dollara çatıb.
Xam neft ixracı 49 faiz artaraq rekord 21,8 milyard dollar olub. Çin Braziliyanın neft ixracının təxminən yarısını alıb. Bununla belə, Körfəzdən neft daşımalarının bərpasından sonra artım tempinin zəiflədiyi bildirilir.
Mənbə: scmp.com
