Azərbaycan Çexiya və Çin ilə iqtisadi əməkdaşlığı müzakirə edib

Bakıda Azərbaycanla Çexiya arasında iqtisadi əməkdaşlıq imkanları müzakirə olunub. Bu barədə Azərbaycanın İqtisadiyyat Nazirliyi məlumat yayıb.

İqtisadiyyat nazirinin müavini Səməd Bəşirli Çexiyanın nəqliyyat naziri İvan Bednarjik ilə görüşüb.

Görüşdə iki ölkə arasında iqtisadi tərəfdaşlığın gücləndirilməsi və nəqliyyat və logistika sahəsində əməkdaşlığın genişləndirilməsi müzakirə olunub.

Bundan başqa, hər iki ölkənin işgüzar dairələrinin qarşılıqlı maraq doğuran layihələrdə iştirakına dəstək məsələlərinə baxılıb.

Bakıda biznes forumu

Oktyabrın 12-də Bakıda iki ölkənin şirkətləri arasında iqtisadi və işgüzar əlaqələrin inkişafına, əməkdaşlıq imkanlarının genişləndirilməsinə yönəlmiş Azərbaycan-Çexiya biznes forumu keçirilib.

Forumda müxtəlif sahələrdən olan Çexiya şirkətləri təqdim olunub. Təqdim edilən profillərə əsasən, Çexiya tərəfi nəqliyyat, dəmir yolu infrastrukturu, aviasiya, logistika, müdafiə sənayesi, mühəndislik, sənaye texnologiyaları və maliyyə xidmətləri kimi sahələrdə əməkdaşlıq imkanları təklif edib.

«Biz Azərbaycanı regionda əsas tərəfdaşımız kimi görürük. Məqsədimiz yalnız ikitərəfli əməkdaşlığı gücləndirmək deyil, həm də Azərbaycana regionda daha geniş fəaliyyət üçün mühüm mərkəz kimi baxmaqdır», — deyə Çexiya Sənaye və Nəqliyyat İttifaqının vitse-prezidenti Radek Şpitsar bildirib.

Onun sözlərinə görə, iki ölkə arasında yüksək səviyyəli münasibətlər və əməkdaşlığın intensivliyi hələ Çexoslovakiya dövrünə gedib çıxan çoxillik tarixi əlaqələrə əsaslanır. Bu əməkdaşlıq həm Azərbaycandan Çexiyaya ixrac olunan mallarda, həm də Çexiya ixracatçılarının Azərbaycan bazarında mövqelərini genişləndirmək istəyində özünü göstərir. O, həmçinin qeyd edib ki, Çexiya Azərbaycana regionda əsas tərəfdaşlardan və biznes mərkəzlərindən biri kimi baxır.

Mənbə: az.trend.az

Materialı hazırladı:Yulduz Səlimov