WSJ: İran husilərə kəşfiyyat məlumatı verib və onları Səudiyyə Ərəbistanına hücumlara hazırlayıb
Mənbələrə görə, İran yəmənli husilərə Səudiyyə Ərəbistanındakı hədəflərə dronları və raketləri yönəltməkdə kömək edirdi. Onların sözlərinə görə, bu dəstək qruplaşmanın Yəmendəki irəliləyişini gücləndirirdi.
Yulduz Səlimov1 dəq oxunuş
İran yəmənli husilərə Səudiyyə Ərəbistanındakı və onun Yəmendəki müttəfiqlərinə qarşı hədəflərə dronları və raketləri yönəltməkdə kömək edirdi. Səudiyyə Ərəbistanının və husilərə qarşı koalisiyanın kəşfiyyat məlumatlarından xəbərdar olan mənbələrin məlumatına görə, Tehran qruplaşmaya həmçinin təlim, kəşfiyyat məlumatı və taktiki tövsiyələr verirdi. Onların sözlərinə görə, bu dəstək husilərə ən güclü və texniki cəhətdən mürəkkəb hücumlar həyata keçirməyə imkan verib.
İranın dəstəyi husilərin irəliləyişinə kömək etdi; bu irəliləyiş zamanı qruplaşma Yəmendə nəzarət etdiyi ərazilərini sürətlə genişləndirdi. İndi husilər Bab əl-Mandeb boğazının öz tərəfindəki sahilə nəzarət edir. Bu, Səudiyyə neftinin ixracı üçün əhəmiyyət kəsb edən strateji baxımdan vacib dəniz darboğazıdır.
Husilər həmçinin Səudiyyə neft tankerlərinə, enerji obyektlərinə və hava limanlarına zərbələr endirirdi. Keçən həftə Er-Riyadda endirilən hücumlardan birinin nəticəsində ən azı 13 nəfər həlak olub.
Mənbələrin məlumatına görə, İran dəstəyi husilərin Səudiyyə Ərəbistanının ərazisindəki hədəfləri vurmaq imkanlarını artırdı.
Mənbə: news.am
