ABŞ Ukraynanı sərt qışın gözlədiyini bildirdi

ABŞ hesab edir ki, münaqişə dayandırılmasa, Ukraynanı sərt qış gözləyir. Bu barədə Axios mənbələrə istinadən məlumat yayıb. Amerika prezidentinin administrasiyası münaqişənin tənzimlənməsində diplomatik irəliləyişi noyabrda keçiriləcək aralıq seçkilər və qışın başlamasına qədər əldə etməyə ümid edir.

«Hamı qışa görə narahatdır. Münaqişə dayandırılmasa, qış ağır olacaq. Buna görə də ABŞ tərəflər arasında vasitəçi kimi çıxış edərək vahid təklif hazırlamağa çalışır», — deyə nəşrin mənbəyi bildirib.

ABŞ prezidentinin xüsusi nümayəndəsi Stiv Uitkoff və Ağ Ev rəhbərinin kürəkəni Cared Kuşner bu gün Mayamidə Ukrayna nümayəndələri ilə görüşəcəklər. Görüşdə yeni ideyaların müzakirəsi və Rusiya-Ukrayna münaqişəsinin tənzimlənməsi üzrə vahid təklifin hazırlanması planlaşdırılır.

Bundan əvvəl Rusiya prezidenti Vladimir Putin Amerika liderinə Ukraynada münaqişənin tənzimlənməsi ilə bağlı səylərinə görə təşəkkürünü bildirib. Putinin sözlərinə görə, o əmindir ki, ABŞ rəhbəri bunu səmimiyyətlə edir.

Mənbə: lenta.ru

Materialı hazırladı:Yulduz Səlimov