Sərxoş sərnişin İstanbul-London reysində ekipaj üzvünü dişləyib
London-Stanbul reysi ilə uçan AJet təyyarəsində sərxoş olduğu ehtimal edilən sərnişin stüardə və qadın sərnişini dişləyib. Şirkət onu qara siyahıya salaraq uçuş hüququndan məhrum edib.
Yulduz Səlimov1 dəq oxunuş
AJet aviaşirkətinə məxsus təyyarədə insident baş verib. Londonun Stansted hava limanından İstanbuldakı Sabiha Gökçen hava limanına uçan təyyarədə sərnişinlərdən biri aqressiv davranışı ilə diqqət çəkib.
Sərxoş olduğu ehtimal edilən kişi uçuş zamanı yanında oturan qadın sərnişinə qarşı aqressiv davranıb. Qadın vəziyyətlə bağlı stüardlara məlumat verib. Ekipajın xəbərdarlıqlarına məhəl qoymayan kişi daha sonra həm stüardı, həm də qadın sərnişini dişləyib.
Hadisədən sonra pilot hava limanının dispetçerləri ilə əlaqə saxlayaraq təyyarədə baş verənlər barədə məlumat verib və polis əməkdaşlarının eniş zamanı təyyarəni qarşılamasını istəyib.
Təyyarə Sabiha Gökçen hava limanına endikdən sonra sərnişin polis tərəfindən saxlanılıb.
AJet hadisə ilə bağlı açıqlamasında bildirib ki, həm qadın sərnişin, həm də hücuma məruz qalan stüard həmin şəxs barədə şikayət ərizəsi verib.
Şirkət həmçinin bildirib ki, sərnişin aviasiya təhlükəsizliyi qaydalarını pozduğu üçün qara siyahıya salınıb və AJet reyslərindən istifadə etmək hüququndan məhrum edilib.
Mənbə: cnnturk.com
