Almatıda zəlzələ: sakinlər küçələrə çıxıb
Qazaxıstanda zəlzələ baş verib: episentr Almatıdan 8 kilometr cənub-qərbdə yerləşib. Xəsarət alanlar və dağıntılar barədə məlumat daxil olmayıb.
Yulduz Səlimov1 dəq oxunuş
Qazaxıstanda zəlzələ baş verib. Bu barədə Qazaxıstanın Fövqəladə Hallar Nazirliyi məlumat yayıb.
Nazirliyin məlumatına görə, yeraltı təkanların episentri Almatıdan 8 kilometr cənub-qərbdə yerləşib. Maqnituda 4 bal olaraq qiymətləndirilir.
Təkanlar Almatı vilayətində — Kaskelen şəhərində, həmçinin Boralday və Ötegen-Batır kəndlərində hiss olunub və onların intensivliyi 2–3 bal təşkil edib.
Öncə Almatı sakinləri yeraltı təkanları hiss edib, onların smartfonlarına «Mass Alert» fövqəladə hallar barədə operativ xəbərdarlıq sistemi tərəfindən bildirişlər daxil olub.
İnsanlar şəhərin küçələrinə çıxıb.
Xəsarət alanlar və ya dağıntılar barədə məlumat daxil olmayıb.
Mənbə: news.milli.az
