Bakıda №49 marşrutunun hərəkət sxemi müvəqqəti dəyişdirilib
№49 avtobus marşrutunun son dayanacağı Sabunçu rayonunda Mehdi Hüseynzadə küçəsindəki təmir işləri səbəbindən müvəqqəti olaraq Asif Əsədullayev küçəsinə köçürülüb.
Bakıda №49 avtobus marşrutunun hərəkət sxemi təmir işləri səbəbindən müvəqqəti olaraq dəyişdirilib. Bu barədə Rəqəmsal İnkişaf və Nəqliyyat Nazirliyinin yanında Avtomobil Nəqliyyatı Agentliyi (AYNA) Musavat.com-a məlumat verib.
Bakının Sabunçu rayonunda Mehdi Hüseynzadə küçəsində təmirlə əlaqədar nəqliyyat hərəkəti üçün məhdudiyyətlər tətbiq edilib.
Təmir işləri dövründə №49 marşrutunun son dayanacağı Asif Əsədullayev küçəsinə — Yeni Ramana yolu ilə kəsişməyə yaxın əraziyə köçürülüb.
Dəyişiklik həmin sahədə təmir işləri başa çatanadək qüvvədə qalacaq.
Mənbə: musavat.com
