Bakının Suraxanı rayonunda yol-nəqliyyat hadisəsi nəticəsində bir nəfər ölüb
Bakıda ölümlə nəticələnən yol-nəqliyyat hadisəsi baş verib. Faktla bağlı cinayət işi açılıb.
Yulduz Səlimov1 dəq oxunuşMətn ölçüsü
Bakı şəhərinin Suraxanı rayonunda bir nəfərin ölümü ilə nəticələnən yol-nəqliyyat hadisəsi qeydə alınıb. Qəza "Renault Megane" markalı avtomobilin yoldan çıxaraq ağaca çırpılması nəticəsində baş verib.
Nəqliyyat vasitəsinin sükanı arxasında 2000-ci il təvəllüdlü Teqran İlham oğlu Seyidov olub. İlkin məlumatlara görə, sürücü avtomobilin idarəetməsini itirib və bu, toqquşmaya səbəb olub.
Hadisə nəticəsində avtomobildə olan sərnişin, 1981-ci il təvəllüdlü Eşqin Məhərrəm oğlu Qasımov aldığı xəsarətlərdən hadisə yerindəcə dünyasını dəyişib.
Faktla bağlı cinayət işi başlanılıb, qəzanın təfərrüatları araşdırılır.
Mənbə: oxu.az
