Azərbaycan nümayəndəsinə qarşı BMT-dəki kampaniya pislənildi
BMT Baş Assambleyasının iclasında Azərbaycan nümayəndəsinin zalda qalması ətrafında sosial mediada başladılan kampaniya tənqid olunub. Qeyd edilib ki, Azərbaycan həmin iclasda cəmi bir aşağı səviyyəli diplomatla təmsil olunub.
Fira Cəlilova1 dəq oxunuş
BMT Baş Assambleyasında Azərbaycan nümayəndəsinin zalda qalmasını bəhanə edərək sosial mediada başladılan qarayaxma kampaniyası Türkiyədə hakimiyyəti daxilindəki bəzi radikallaşmış siyasi dairələrin Azərbaycanın timsalında düşmən obrazı yaratmağa çalışdığını göstərir.
Məlumat üçün xatırladım ki, Azərbaycan həmin vaxt iclasda cəmi 1 nəfər aşağı səviyyəli diplomatla təmsil olunub. Bu, sırf texniki diplomatiya məsələsidir.
Hətta işğal illərində belə Ermənistan çıxış edəndə nə Azərbaycan, nə də Türkiyə diplomatları zaldan çıxmayıblar. İndi bunu Azərbaycana qarşı cinayət kimi qələmə vermək tamamilə absurdur.
Türkiyə hakimiyyəti daxilindəki radikal ünsürlərin bu cür uydurma bəhanələrlə başlatdığı çirkin kampaniya dərhal dayandırılmalıdır!
