Gənclər üçün “Excel” təlim proqramı başa çatdı

“NAYORA” və “Yeni Yol” Gənclərin Maarifləndirilməsi İctimai Birliyinin birgə əməkdaşlığı ilə həyata keçirilən “Excel” təlim proqramı uğurla yekunlaşıb.

Təlim proqramı çərçivəsində iştirakçılar Excel proqramını sıfırdan öyrənərək data analitikasının əsasları və hesabatların hazırlanması üzrə praktiki biliklər əldə ediblər.

Proqram boyunca gənclərə məlumatların işlənməsi, cədvəllərin hazırlanması və Excel alətlərindən səmərəli istifadə ilə bağlı bacarıqlar aşılanıb.

Təlimi uğurla başa vuran iştirakçılara yekun mərhələdə sertifikatlar təqdim olunub.

Layihənin gənclərin rəqəmsal bacarıqlarının inkişafına, eləcə də onların gələcək təhsil və karyera imkanlarına hazırlığına töhfə verməsi hədəflənib.

Materialı hazırladı:Qurban Qurbanzadə