İlham Əliyev Tacikistanın müstəqilliyinin 35-ci ildönümü münasibətilə Emoməli Rəhmonu təbrik edib

Azərbaycan Prezidenti İlham Əliyev Tacikistanın dövlət müstəqilliyinin 35-ci ildönümü münasibətilə Tacikistan Prezidenti Emoməli Rəhmona təbrik məktubu göndərib.

Dövlət başçısı məktubunda ortaq dini, mədəni və tarixi köklərlə bağlı olan iki ölkə xalqları arasında dostluq və qardaşlıq əlaqələrinin möhkəmlənməsindən məmnunluğunu ifadə edib.

İlham Əliyev vurğulayıb ki, yüksək səviyyəli fəal dialoq, müntəzəm təmaslar və sıx əməkdaşlıq ikitərəfli əlaqələrin sürətli inkişafı və dərinləşməsi üçün əlverişli şərait yaradır.

Azərbaycan Prezidenti qarşılıqlı etimad və dəstəyə əsaslanan strateji tərəfdaşlığın bundan sonra da yüksələn xətlə inkişaf edəcəyinə və tərəflərin birgə səyləri ilə daha da möhkəmlənəcəyinə əminliyini bildirib.

Mənbə: news.milli.az

Materialı hazırladı:Tünzalə Məlikova