İran ABŞ-ın yeni hərbi əməliyyatlar planlaşdırdığını bildirib

İran Silahlı Qüvvələrinin Baş Qərargahı ABŞ-ın İrana qarşı hərbi əməliyyatları bərpa etmək planları barədə məlumat aldığını bildirib. İran hərbçiləri təcavüz olacağı təqdirdə cavabın regiondakı Amerika bazalarına və maraqlarına yönəldiləcəyi barədə xəbərdarlıq ediblər.

Bəyanatda deyilir ki, Tehran ABŞ-ın region ölkələrinin birgə görüşündə bu planlar üçün “yaşıl işıq” alması barədə məlumatlara malikdir. Görüş Avropa ölkələrindən birində keçirilib.

ABŞ İran İslam Respublikasına qarşı hər hansı təcavüz aktı törədərsə, onların regiondakı bütün bazaları və maraqları heç bir məhdudiyyət və ya qeyd-şərt olmadan uzunmüddətli, effektiv və ağrılı hücumlara məruz qalacaq.

İranın hərbi komandanlığı regional ölkələrə də xəbərdarlıq edib. Onun bəyanatına görə, İrana münasibətdə “ikili siyasəti” davam etdirən dövlətlər “şərik” hesab olunacaq və İran Silahlı Qüvvələri tərəfindən təmkinli münasibət gözləməməlidirlər.

Mənbə: azernews.az

Materialı hazırladı:Əbdulrəhman Sadıxlı