Kənd Təsərrüfatı Nazirliyi sentyabr ayı üçün vətəndaş qəbulları qrafikini açıqlayıb
Kənd Təsərrüfatı Nazirliyi 2026-cı ilin sentyabr ayı üzrə bölgələrdə keçiriləcək vətəndaş qəbullarının qrafikini təsdiqləyib.
Tünzalə Məlikova1 dəq oxunuş
Kənd Təsərrüfatı Nazirliyi 2026-cı ilin sentyabr ayı ərzində bölgələrdə keçiriləcək vətəndaş qəbullarının qrafikini təsdiqləyib. Nazir Məcnun Məmmədovun imzaladığı əmrə əsasən, nazirliyin vəzifəli şəxsləri regionlarda vətəndaşlarla görüşlər keçirəcəklər.
Qəbullar zamanı vətəndaşların Kənd Təsərrüfatı Nazirliyinin səlahiyyət dairəsinə aid olan müraciətləri cavablandırılacaq. Nazirlikdən verilən məlumata görə, qaldırılan məsələlərin həlli istiqamətində müvafiq tədbirlər görüləcək.
Görüşlər qrafikdə nəzərdə tutulan rayonların Dövlət Aqrar İnkişaf Mərkəzlərində təşkil olunacaq. Qəbulda iştirak etmək istəyən vətəndaşlar əvvəlcədən qeydiyyatdan keçməlidirlər.
Qeydiyyat üçün Nazirliyin 1652 nömrəli “Çağrı Mərkəzi”nə zəng etmək lazımdır. Qəbula gələn şəxslər özləri ilə şəxsiyyəti təsdiq edən sənədləri gətirməlidirlər.
