NATO təlimlərinin iştirakçıları Qələbə Muzeyini ziyarət ediblər
Bakıda NATO təlimlərinin iştirakçıları üçün ekskursiyalar təşkil olunub: nümayəndə heyətləri Heydər Əliyev Mərkəzini və Qələbə Muzeyini ziyarət ediblər. Bu barədə Azərbaycan Müdafiə Nazirliyi məlumat yayıb.
Yulduz Səlimov1 dəq oxunuş
Bakıda Azərbaycan və NATO əməkdaşlığı çərçivəsində keçirilən təlimlərin iştirakçıları üçün ekskursiyalar təşkil olunub. Nümayəndə heyətləri Heydər Əliyev Mərkəzini və Qələbə Muzeyini ziyarət ediblər. Bu barədə Azərbaycan Müdafiə Nazirliyi məlumat yayıb.
Ekskursiyalar Azərbaycanla NATO arasında "Sülh naminə tərəfdaşlıq" proqramı çərçivəsində keçirilib. Onlar "Tərəfdaş ölkələrin imkanlarının uyğunlaşdırılması təşəbbüsü" üzrə üçüncü təlim görüşünün və birinci səviyyə özünüqiymətləndirmə təliminin iştirakçıları üçün təşkil olunub.
Müdafiə Nazirliyinin məlumatına görə, tədbirlər planına uyğun olaraq həftəsonu günlərində qonaqlar Bakının tarixi-mədəni məkanları və muzeyləri ilə tanış olublar.
Nazirlikdə qeyd edildiyi kimi, Heydər Əliyev Mərkəzini və Qələbə Muzeyini ziyarət edən nümayəndə heyətləri zəngin təəssüratlarla ayrılıblar.
Mənbə: report.az
