Sahibə Qafarova BMT ilə Milli Məclis arasında əməkdaşlığı Xəlilur Rəhmanla müzakirə edib
Nyu-Yorkda Azərbaycan Milli Məclisinin sədri Sahibə Qafarova ilə BMT Baş Assambleyasının 81-ci sessiyasının sədri Xəlilur Rəhman arasında görüş keçirilib.

Azərbaycan Milli Məclisinin sədri Sahibə Qafarova Nyu-Yorkda BMT Baş Assambleyasının 81-ci sessiyasının sədri Xəlilur Rəhman ilə görüş keçirib. Bu barədə Xəlilur Rəhman «X» sosial şəbəkəsindəki səhifəsində məlumat verib.
Danışıqlar zamanı tərəflər Azərbaycan parlamenti ilə BMT strukturları arasında əməkdaşlığın mövcud vəziyyətini və inkişaf perspektivlərini müzakirə edib, həmçinin qarşılıqlı maraq kəsb edən digər mövzuları nəzərdən keçiriblər.
«Azərbaycan Respublikasının Milli Məclisinin sədri Sahibə Qafarova ilə görüşməyimdən şadam… Görüş zamanı biz BMT Baş Assambleyası və Milli Məclis, eləcə də dünya ölkələrinin parlamentləri arasında əməkdaşlığın möhkəmləndirilməsi yollarını müzakirə etdik. Bundan əlavə, qarşılıqlı maraq doğuran geniş spektrli məsələlər ətrafında fikir mübadiləsi aparıldı», — deyə Xəlilur Rəhman qeyd edib.
Mənbə: report.az





