İlon Mask və Şivon Zilisin ayrıldığı barədə şayiələr yayılıb

Neuralink şirkətinin yüksək vəzifəli meneceri Şivon Zilisin sosial şəbəkədəki paylaşımı İlon Maskla münasibətinin bitdiyi barədə müzakirələrə səbəb olub.

Zilis bu barədə bir istifadəçinin Maskın X sosial şəbəkəsində artıq onu izləmədiyini qeyd etməsindən sonra paylaşım edib. O, münasibətlərində baş verənləri belə ifadə edib:

“Xəbərdarlıq olmadan bir həftə ərzində aşiq olmaqdan ayrılmağa keçmək çətindir, amma bəzən hər şey belə olur”.

Zilis paylaşımında Maskın onun tərəfindən dərindən başa düşülməsini, qayğı və sakit sevgi görməsini istədiyini bildirib. O, Maskı çox darıxacağını və gələcəkdə onunla yaxşı dostluq münasibətlərini, eləcə də uşaqlarının birgə tərbiyəsini qoruyub saxlamağa ümid etdiyini yazıb.

“Bu mənə ağrı verir, amma ona səmimi qəlbdən xoşbəxtlik arzulayıram”, – deyə Zilis qeyd edib.

Şivon Zilis kimdir?

Şivon Zilis kanadalı süni intellekt mütəxəssisi və vençur investorudur. O, Yel Universitetində iqtisadiyyat və fəlsəfə üzrə təhsil alıb.

Zilis 2017-ci ildə Neuralink şirkətinə qoşulub və burada əməliyyatlar və xüsusi layihələr üzrə rəhbər vəzifələrdə çalışıb. O, həmçinin əvvəllər OpenAI və Tesla ilə bağlı layihələrdə fəaliyyət göstərib.

İlon Mask və Şivon Zilis 2016-cı ildə OpenAI vasitəsilə tanış olublar. Onların 2021-ci ildə əkizləri dünyaya gəlib. Daha sonra cütlüyün daha iki övladının olduğu açıqlanıb.

Zilisin son paylaşımı isə onların münasibətlərində yeni mərhələnin başladığına dair müzakirələrə səbəb olub.

Mənbə: timesofindia.indiatimes.com

Materialı hazırladı:Əbdulrəhman Sadıxlı