11 ildən sonra Bakıda görüş – Firuzə Cəlilova John Masonla bağlı xatirələrini bölüşdü
Tanınmış teleaparıcı və jurnalist Firuzə Cəlilova 11 ildən sonra Bakıda britaniyalı jurnalist və aparıcı John Mason ilə yenidən görüşüb.
Tünzalə Məlikova1 dəq oxunuş
Tanınmış teleaparıcı, jurnalist Firuzə Cəlilova 11 ildən sonra Bakıda britaniyalı jurnalist və aparıcı John Mason ilə yenidən görüşüb.
Görüş Azərbaycan Üzgüçülük Federasiyasının təşkilatçılığı ilə Bakıda keçirilən üzgüçülük üzrə “İpək Yolu” Dünya Kubokunun açılış mərhələsi ərəfəsində baş tutub. Qeyd edək ki, Dünya Kubokunun Bakı mərhələsi 1-3 oktyabr tarixlərində Su İdmanı Sarayında keçirilir.
Firuzə Cəlilova F4Media.az saytına açıqlamasında John Masonla görüşün onun üçün yalnız peşəkar deyil, həm də nostalji anlam daşıdığını bildirib. Onun sözlərinə görə, 11 il əvvəl – ilk Avropa Oyunları zamanı onlar birlikdə çimərlik futbolu və çimərlik voleybolu yarışlarını işıqlandırıblar.
“11 il sonra John Masonı yenidən Bakıda görmək mənim üçün çox xoş oldu. 11 il keçib, amma bəzi insanlar və bəzi xatirələr yaddaşdan silinmir”, – deyə Cəlilova bildirib.
Maraqlıdır ki, illər əvvəl Bakıda idman yarışlarını birlikdə işıqlandıran iki jurnalist bu dəfə yenidən paytaxtda, başqa bir mötəbər idman hadisəsi ərəfəsində bir araya gəlib. Bu dəfə onların görüşünün ünvanı çimərlik meydançaları deyil, dünyanın aparıcı üzgüçülərinin mübarizə aparacağı Su İdmanı Sarayıdır. Dünya Aquatics-in məlumatına görə, John Mason hazırda 2026-cı il Üzgüçülük üzrə Dünya Kubokunun Bakı mərhələsi ilə bağlı təqdimat və yayım fəaliyyətlərində də iştirak edir.
Beləliklə, 11 il əvvəl başlayan peşəkar yolun xatirəsi illər sonra Bakıda keçirilən yeni bir beynəlxalq idman tədbiri fonunda yenidən canlanıb.
