Samuxda prokurorluq əməkdaşlarının peşə bayramı qeyd olunub
Samux rayonunda Prokurorluq orqanları əməkdaşlarının peşə bayramı münasibətilə tədbir keçirilib.
Tünzalə Məlikova1 dəq oxunuş
Samux rayonunda Prokurorluq orqanları əməkdaşlarının peşə bayramı münasibətilə tədbir keçirilib.
Tədbirdə Samux Rayon İcra Hakimiyyətinin başçısı Firdovsi Əliyev, RİH-nin əməkdaşları, hüquq-mühafizə orqanlarının, idarə, müəssisə və təşkilatların rəhbərləri iştirak ediblər.
Tədbir iştirakçıları əvvəlcə Samux şəhərində yerləşən Heydər Parkında Ümummilli Lider Heydər Əliyevin abidəsini ziyarət edib, abidə önünə gül dəstələri qoyaraq Ulu Öndərin xatirəsinə ehtiramlarını ifadə ediblər.
Daha sonra tədbirdə çıxış edən Samux Rayon İcra Hakimiyyətinin başçısı Firdovsi Əliyev Azərbaycan Respublikasının Baş prokuroru Kamran Əliyev başda olmaqla, bütün prokurorluq əməkdaşlarını peşə bayramı münasibətilə təbrik edib, onlara fəaliyyətlərində uğurlar arzulayıb.
Samux rayon prokuroru Könül Ələsgərova çıxışında prokurorluq orqanlarının fəaliyyətindən, dövlət tərəfindən bu sahəyə göstərilən diqqət və qayğıdan danışıb.
Tədbirin sonunda rayon prokurorluğunda fəaliyyətləri ilə fərqlənən əməkdaşlar Samux Rayon İcra Hakimiyyətinin başçısı tərəfindən Fəxri Fərman və hədiyyələrlə təltif olunublar.
