Moskvanın mərkəzində diqqətçəkən oğurluq hadisəsi

Moskvada hüquq-mühafizə orqanlarının əməkdaşları qadın brend çantalarının seriyalı oğurluğunda şübhəli bilinən 33 yaşlı yerli sakini saxlayıblar. Qadının qanunsuz əməlləri müşahidə kameraları tərəfindən lentə alınıb, video materialları isə paytaxtın Daxili İşlər İdarəsinin mətbuat xidməti dərc edib.

Manej meydanındakı ticarət obyektində çəkilmiş kadrlarda şübhəli şəxsin vitrindən çantanı götürərək paketə gizlətdiyi və üstünü kofta ilə örtdüyü əks olunub. Bundan sonra o, kassada kiçik bir alış-veriş edərək ətrafdakıların diqqətini cəlb etmədən mağazanı tərk edib.

İstintaq zamanı məlum olub ki, cinayətkar oxşar üsulla Bolşaya Yakimanka və Maroseyka küçələrində yerləşən daha iki mağazadan brend çantalar oğurlayıb. Hazırda şübhəli şəxs barəsində prosessual hərəkətlər həyata keçirilir, oğurluq etdiyinə görə onu iki ilədək müddətə azadlıqdan məhrumetmə cəzası gözləyir.

Mənbə: lenta.ru

Materialı hazırladı:Qurban Qurbanzadə