18 noyabr 2026 Bakı — USD 1.70EUR 1.8707-0.0024TRY 0.03370100×RUB 2.0606-0.0043
media.az
Azərbaycan

AzInTelecom jurnalistlər üçün rəqəmsal texnologiyalar üzrə təlim seminarı keçirib

40-a yaxın media nümayəndəsi milli məlumat mərkəzlərinin infrastrukturu, superkompüterlər və SİMA ekosistemi ilə tanış olub.

Tünzalə Məlikova1 dəq oxunuş
Mətn ölçüsü
AzInTelecom-un təlim seminarında media nümayəndələri
Azərbaycan — F4Media

AZCON Holding-in strukturuna daxil olan AzInTelecom şirkəti media nümayəndələri üçün “Qələmdən süni intellektə” adlı təlim seminarı təşkil edib. Tədbirdə 40-a yaxın jurnalist iştirak edib.

Görüş zamanı şirkət ekspertləri AzInTelecom-un rəqəmsal xidmətlər və müasir texnoloji həllər sahəsindəki fəaliyyətinə dair icmal təqdim ediblər. Şirkətin Azərbaycanın rəqəmsal inkişafındakı strateji rolu, milli məlumat mərkəzlərinin imkanları, superkompüter infrastrukturu və kibertəhlükəsizlik sahəsindəki xidmətlərinə xüsusi diqqət yetirilib.

İştirakçılara SİMA ekosisteminin son yenilikləri və funksional imkanları nümayiş etdirilib, həmçinin platformanın rəsmi talismanı olan “Simi” təqdim olunub.

Proqramın əsas hissəsi ənənəvi jurnalistikadan rəqəmsal kommunikasiyalara keçidə həsr olunub. Seminar interaktiv formatda keçirilib ki, bu da media nümayəndələrinə onları maraqlandıran sualları vermək və fikir mübadiləsi aparmaq imkanı yaradıb.

Tədbir tematik viktorina ilə başa çatıb və qaliblərə xatirə hədiyyələri təqdim olunub. Təşkilatçıların qeyd etdiyi kimi, bu təşəbbüs jurnalistlərin informasiya-kommunikasiya texnologiyaları sahəsində maarifləndirilməsinə və ölkədə rəqəmsal xidmətlərin keyfiyyətli işıqlandırılmasına dəstək məqsədi daşıyır.

Paylaş

Oxşar materiallar

Hamısına bax
Azərbaycan

Tarixi rolu – qorxunun sındırılması

17 Noyabr 1988-ci ildə Azadlıq meydanına 1 milyona yaxın insan çıxdı. O vaxt SSRİ var idi, meydana çıxmaq həbs demək idi. Amma xalq ilk dəfə olaraq:

Meqamət Əliyev2 dəq oxunuş