22 noyabr 2026 Bakı — USD 1.70EUR 1.86660TRY 0.03360100×RUB 2.07370
media.az
Tehsil 3

Göygöldə “Qarabağ gəncləri üçün düşərgənin təşkili və iqtisadi maarifləndirmə” layihəsinə start verildi

Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi və “Yeni Yol” Gənclərin Maarifləndirilməsi İctimai Birliyinin təşkilatçılığı ilə “Qarabağ gəncləri üçün düşərgənin təşkili və iqtisadi maarifləndirmə” layihəsinə rəsmən start verilib.

Qurban Qurbanzadə1 dəq oxunuş
Mətn ölçüsü
Göygöldə “Qarabağ gəncləri üçün düşərgənin təşkili və iqtisadi maarifləndirmə” layihəsinə start verilir!
Tehsil 3 — F4Media

Yenilənib: Oktyabr 2, 2026 2:18 axşam

Qarabağ gəncləri Göygöldə yeni bilik və təcrübə qazandı

Göygöl rayonunda Qarabağ gənclərinin şəxsi və peşəkar inkişafına yönəlmiş dördgünlük inkişaf düşərgəsi başa çatıb. Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi, “Yeni Yol” Gənclərin Maarifləndirilməsi İctimai Birliyinin təşkilatçılığı ilə keçirilən düşərgə “Qarabağ gəncləri üçün düşərgənin təşkili və iqtisadi maarifləndirmə” layihəsi çərçivəsində təşkil olunub.

Düşərgə müddətində gənclərin yalnız nəzəri biliklər əldə etməsinə deyil, praktiki fəaliyyətlər vasitəsilə müxtəlif bacarıqlar qazanmasına üstünlük verilib. Təlimlərdə liderlik, komanda işi, effektiv ünsiyyət, qərarvermə, məsuliyyət bölgüsü və təşəbbüskarlıq kimi istiqamətlərə diqqət yetirilib.

İştirakçıların fəal şəkildə prosesə cəlb olunması üçün interaktiv təlim metodlarından istifadə edilib. Qrup tapşırıqları, praktiki məşğələlər, situasiya əsaslı çalışmalar və fikir mübadilələri vasitəsilə gənclər qarşıya qoyulan problemlərin həlli üzərində birlikdə işləyiblər. Bu yanaşma onların komanda daxilində əməkdaşlıq etmək, müxtəlif fikirləri dinləmək və ümumi qərara gəlmək bacarıqlarının inkişafına şərait yaradıb.

Proqramın mühüm istiqamətlərindən biri də gənclərin öz ideyalarını layihə formasında hazırlaması olub. İştirakçılar qruplar şəklində çalışaraq layihələrinin məqsədlərini müəyyənləşdirib, fəaliyyət planları hazırlayıb və ideyalarının həyata keçirilməsi imkanlarını müzakirə ediblər. Hazırlanan layihələr sonda təqdimatlar vasitəsilə nümayiş etdirilib.

Təlim prosesi zamanı liderlik bacarıqlarının inkişafına xüsusi diqqət ayrılıb. Gənclər komanda daxilində müxtəlif rollar götürərək qərarların qəbulunda iştirak edib, tapşırıqların bölüşdürülməsi və ümumi nəticəyə nail olunması prosesində praktiki təcrübə qazanıblar.

Düşərgənin proqramına komanda oyunları və sosial fəaliyyətlər də daxil edilib. Bu fəaliyyətlər iştirakçıların bir-biri ilə daha yaxından tanış olmasına, ünsiyyət və əməkdaşlıq imkanlarının genişlənməsinə, həmçinin komanda ruhunun güclənməsinə xidmət edib.

Dörd gün davam edən düşərgə gənclərin yeni bilik və praktiki təcrübə əldə etməsi ilə yekunlaşıb. Layihə çərçivəsində tətbiq olunan təlim metodları iştirakçıların liderlik, komanda işi, layihə hazırlama, təqdimat və iqtisadi düşüncə bacarıqlarının inkişafına yönəlib.

Paylaş

Oxşar materiallar

Hamısına bax