Səfirlər Üzgüçülük üzrə Dünya Kubokunun son gününü Su İdman Sarayında izləyiblər

Yenilənib: Oktyabr 3, 2026 2:14 axşam

Bakıda üç gün davam edən Üzgüçülük üzrə Dünya Kubokunun final yarışları bu gün Su İdman Sarayında keçirilir.

Yarışların son günündə Niderland Krallığının Azərbaycandakı fövqəladə və səlahiyyətli səfiri Marian de Jong və ABŞ-ın Azərbaycandakı Səfirliyinin müvəqqəti işlər vəkili Emi Karlon Su İdman Sarayına gələrək dünya səviyyəli turnirin həlledici yarışlarını yerində izləyiblər.

Diplomatik nümayəndələr yarışları tribunadan izləyib, müxtəlif ölkələrdən Bakıya gələn güclü üzgüçülərin çıxışlarını canlı müşahidə ediblər.

Qeyd edək ki, Dünya Su İdmanı Assosiasiyasının (World Aquatics) Üzgüçülük üzrə Dünya Kubokunun Bakı mərhələsi 1–3 oktyabr tarixlərində Su İdman Sarayında keçirilir.

Üç gün ərzində dünyanın müxtəlif ölkələrindən olan tanınmış üzgüçülər ayrı-ayrı məsafələrdə mübarizə aparıb, Bakı isə beynəlxalq üzgüçülük təqviminin mühüm dayanacaqlarından birinə çevrilib.

Turnirin son günündə səfirlərin də yarışları yerində izləməsi Azərbaycanda keçirilən beynəlxalq idman tədbirinə diplomatik nümayəndəliklərin göstərdiyi diqqətin göstəricisi kimi diqqət çəkib.

Yarışların yüksək səviyyədə təşkili, idmançıların çıxışı və Su İdman Sarayında yaradılan şərait son günün əsas diqqət çəkən məqamları sırasında olub.

Materialı hazırladı:Yulduz Səlimov