Hörmüz boğazında mina partlayışından sonra üçüncü neft tankeri alovlanıb
Hörmüz boğazında 750 min barel neft daşıyan tanker dəniz minasına dəyərək partlayıb, İran İslam İnqilabı Keşikçiləri Korpusunun Hərbi Dəniz Qüvvələri məlumat verib. Gəmidə böyük yanğın başlayıb. IRNA-nın məlumatına görə, bu, həmin ərazidə mina partlayışından sonra alovlanan üçüncü neft tankeridir.
Əbdulrəhman Sadıxlı1 dəq oxunuş
750 min barel neft daşıyan neft tankeri Hörmüz boğazında dəniz minasına dəyərək partlayıb. Bu barədə İran İslam İnqilabı Keşikçiləri Korpusunun (İİKK) Hərbi Dəniz Qüvvələri məlumat verib.
İİKK Hərbi Dəniz Qüvvələrinin bəyanatına görə, gəmi İran tərəfinin xəbərdarlıqlarına baxmayaraq razılaşdırılmamış marşrutla keçməyə çalışıb. Partlayış nəticəsində böyük yanğın başlayıb.
«750 min barel neft daşıyan tanker İİKK Hərbi Dəniz Qüvvələrinin xəbərdarlıqlarını görməzə aldı və razılaşdırılmamış marşrutla keçməyə cəhd etdi. Nəticədə o, dəniz minasına dəyərək partladı. Böyük yanğına səbəb olan partlayış baş verdi», — deyilir bəyanatda.
İranın IRNA agentliyinin məlumatına görə, bu, həmin ərazidə mina partlayışından sonra alovlanan üçüncü neft tankeridir.
Mənbə: en.irna.ir
