İzmir və Manisada qanunsuz silah istehsalına qarşı əməliyyat: 13 nəfər saxlanılıb

İzmir Respublika Baş Prokurorluğunun koordinasiyası ilə İzmir və Manisa vilayətlərində qanunsuz silah istehsalı və ticarəti ilə məşğul olan şəxslərə qarşı genişmiqyaslı əməliyyat keçirilib. İzmir İl Polis İdarəsinin Kəşfiyyat və Mütəşəkkil Cinayətkarlıqla Mübarizə şöbəsinin əməkdaşları tərəfindən icra edilən tədbirlər nəticəsində 13 şübhəli şəxs saxlanılıb.

İstintaq materiallarına görə, saxlanılan şəxslərin qanunsuz yollarla istehsal etdikləri silahları müxtəlif cinayətkar qruplaşmalara ötürdükləri ehtimal olunur. Aparılan axtarışlar zamanı ümumilikdə 100 tapança, 21 daraq və çoxsaylı silah hissələri ələ keçirilib. Qeyd edək ki, bu rəqəmin bir hissəsi əvvəlki əməliyyatlar zamanı, qalanı isə son reydlər nəticəsində aşkarlanıb.

Əməliyyat zamanı diqqət çəkən digər mühüm tapıntı saxta avro istehsalında istifadə edildiyi güman edilən tökmə qəliblər olub. Hüquq-mühafizə orqanları bu qəliblərin saxta pul dövriyyəsi ilə bağlı cinayət işinin bir hissəsi olduğunu araşdırır.

Hazırda saxlanılan 13 şübhəli şəxs barəsində polis idarəsində istintaq və prosessual tədbirlər davam etdirilir.

Materialı hazırladı:Yulduz Səlimov